Ի գիտություն դիմորդների

Ապրիլի 15-ից մեկնարկել է 2024-2025 ուսումնական տարվա շրջանավարտների` բուհերի ընդունելության համար բուհի և մասնագիտության ընտրության և ընտրած մասնագիտության համար սահմանված միասնական և ներբուհական քննությունների հայտագրման գործընթացը:

Շրջանավարտը (դիմորդը) բուհը և մասնագիտությունը նշելու և նշված մասնագիտության համար սահմանված ընդունելության (միասնական, ներբուհական) քննությունները հանձնելու համար պետք է ունենա ԳԹԿ անձնական համար և ապրիլի 15-ից մինչև մայիսի 10-ը առցանց եղանակով Գնահատման և թեստավորման կենտրոնի dimord.am կայքէջում լրացնի ընդունելության դիմում-հայտ:

ԳԹԿ անձնական համար ստանալու համար շրջանավարտը (դիմորդը) դիմում է իր ուսումնական հաստատության տնօրենին, իսկ նախորդ տարիների և 2024-2025 ուստարվա նախնական և միջին մասնագիտական ուսումնական հաստատությունների շրջանավարտները դիմում են իրենց բնակության վայրի` այդ նպատակով առանձնացված ուսումնական հաստատության տնօրենին:

Նախնական և միջին մասնագիտական ուսումնական հաստատությունների և նախորդ տարիների շրջանավարտների հայտագրմանն օժանդակող հաստատությունների ցանկը՝:

Ընդունելության դիմում-հայտի համար անհրաժեշտ է նաև`

• 3x4 չափի լուսանկարի էլեկտրոնային տարբերակը,

• անձնագրի կամ ծննդյան վկայականի պատճենը,

• յուրաքանչյուր քննության համար՝ 1500 (հազար հինգ հարյուր) դրամ փոխանցված անդորրագրի էլէկտրոնային տարբերակը։

Գումարը փոխանցել հետևյալ հաշվեհամարին՝ 900018001934

Քննությունների վճարից ազատվում են`

• պարտադիր ժամկետային ծառայությունից՝ վերջին մեկ տարում զորացրված անձինք,

• 1-ին և 2-րդ խմբերի և մինչև 18 տարեկան մանկուց հաշմանդամները,

• ՀՀ պաշտպանության ժամանակ զոհված զինծառայողների երեխաները,

• առանց ծնողական խնամքի մնացած մինչև 23 տարեկան անձինք:

Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ կառավարությանն առընթեր ոստիկանության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:

Հարցերի դեպքում կապ հաստատել պատասխանատու քարտուղար Գայանե Ստեփանյանի հետ՝ 099 937750, 060 278975 հեռախոսահամարներով։