Թատերարվեստի ամբիոն

Թատերարվեստի ամբիոնը ստեղծվել է 2025 թվականին՝ Դերասանի վարպետության և ռեժիսուրայի, Բեմական շարժման և մեներգի ամբիոնների միավորման արդյունքում։

<b>Դերասանի վարպետության և ռեժիսուրայի ամբիոնը</b> ստեղծվել է ինստիտուտի կազ մավորման օրից: Ամբիոնի նպատակը եղել և մնում է ուսանողի մասնագիտական ուսուցման բազմակողմանի կազմակերպումն ու զարգացումը: Ամբիոնի դասախոսները Հայաստանի թատերարվեստի ոլորտի առաջատար մասնագետներն են։ Դերասանի վարպետության և ռեժիսուրայի ամբիոնը համարվում է թողարկող «Դերասանական արվեստ» և «Ռեժիսուրա» մասնագիտական կրթական ծրագրերով ուսուցանվողների համար։

Ամբիոնի դասախոսները ԵԹԿПԻ-ում և միջազգային այլ գիտաժողովներում հանդես են եկել զեկուցումներով: Ամբիոնի դասախոսների կողմից տպագրել են բազմաթիվ մեթոդական ցուցումներ, գիտական հոդվածներ, մենագրություններ, ձեռնարկներ:

<b>Բեմական շարժման և մեներգի ամբիոնը</b>՝ որպես ինքնուրույն կառուցվածքային միավոր, ստեղծվել է 1944 թ.-ին՝ ՀԽՍՀ վաստակավոր արտիստ Զարեհ Մուրադյանի ղեկավարությամբ:

Ապագա դերասանի և ռեժիսորի պլաստիկան ամբիոնի դասախոսների կողմից մշակվում է դասական, ազգային և ժամանակակից պարերի, բեմական շարժման, բեմական մարտի, կասկադյորության, օրիգինալ ժանրի, բեմական ակրոբատիկայի դասընթացներում, որոնք նպաստում են ուսանողի մարմնի և կոորդինացիայի ներդաշնակ զարգացմանը:

2013 թվականից Բեմական խոսք առարկան միավորվել դերասանի վարպետության ամբիոնի հետ, ինչպես նաև որպես ինքնուրույն կառուցվածքային միավոր Խորեոգրաֆիայի ամբիոնը առանձնացել է: Իսկ մեներգի դասերի ընթացքում դասախոսների առջև խնդիր է դրված մշակել ուսանողի ձայնը, երաժշտական լսողությունն ու ռիթմի զգացողությունը, զարգացնել նրա վոկալ կատարողական ունակությունները, ծանոթացնել վոկալ ստեղծագործությունների տարբեր ժանրերի հետ: