Միջազգային համագործակցությունների ընդլայնումը՝ հնարավորությունների ճանապարհ

ԵԹԿՊԻ-ի ուսանողների համար կազմակերպվել է տեղեկատվական հանդիպում, որի ընթացքում «Ստեղծագործ Եվրոպա» ծրագրի ներկայացուցիչը մանրամասնել է դրամաշնորհին դիմելու ընթացակարգը, նաև պատասխանել ուսանողների հարցերին։

«Ստեղծագործ Եվրոպա»-ն ֆինանսավորում է տարատեսակ ծրագրեր, որոնք աջակցում են մշակութային բազմազանությանը և արձագանքում մշակութային, ինչպես նաև ստեղծագործական ոլորտների կարիքներին ու մարտահրավերներին:

«Ստեղծագործ Եվրոպա» ծրագրի հայաստանյան ներկայացուցիչը մանրամասնել է «Մշակույթ» ենթածրագիրը՝ տեղեկացնելով, որ այն աջակցում է եվրոպական մակարդակում գեղարվեստական և մշակութային համագործակցությունը խթանող և ընդլայնող նախաձեռնություններ:

«Ստեղծագործ Եվրոպա» ծրագրի նպատակներն են՝ խթանել գեղարվեստական ստեղծագործությունը և նորարարությունը, աջակցել եվրոպական բովանդակության տարածմանը ողջ Եվրոպայում և նրա սահմաններից դուրս, օգնել արվեստագետներին գտնել ստեղծագործելու և ներկայանալու հնարավորություններ առկա սահմաններից այն կողմ, ինչպես նաև խթանել եվրոպական մշակույթի և ստեղծագործական սեկտորների թվայնացմանը: