Որակի ապահովման կենտրոն

Որակի ապահովման կենտրոնի կանոնակարգը։

ԵԹԿՊԻ-ի որակի ապահովման ձեռնարկ։

ԵԹԿՊԻ-ի որակի ապահովման քաղաքականությունը սահմանում է ԵԹԿՊԻ-ում որակի ապահովման գործընթացների իրականացման սկզբունքները, ուղենիշերը և ընթացակարգերը: ԵԹԿՊԻ 2018-2022թթ. զարգացման ռազմավարական ծրագրով սահմանված առաքելության իրականացմանն ուղղված գերակա նպատակներից մեկը՝ «Որակի ապահովման գործունեության ամրապնդում», որի իրականացումը թույլ կտա բուհում ձևավորել կրթության, գիտության և հասարակության միահյուսված ու ներդաշնակ գործունեությունն ուղղված ներքին և արտաքին շահակիցների կարիքների բավարարմանը, որի ապահովումը իրականացում է ԵԹԿՊԻ որակի ապահովման կենտրոնը:

ԵԹԿՊԻ որակի ապահովման քաղաքականութունը բխում է ԵԹԿՊԻ-ի  առաքելությունից և պետք է նպաստի ԵԹԿՊԻ ռազմավարական նպատակների արդյունավետ իրականացմանը, ԵԹԿՊԻ-ում մասնագիտական կրթական ծրագրերի և շնորհվող որակավորումների համապատասխանությանը, սովորողի համար սահմանված վերջնարդյունքների ձեռքբերմանը, մատուցվող կրթության համապատասխանությանը ՈԱՇ-ին, ԵԹԿՊԻ գործունեության արդյունավետության բարձրացմանը:

ԵԹԿՊԻ որակի ապահովման քաղաքականության նպատակն է հստակ մեխանիզմների միջոցով բուհի որակի շարունակական բարելավման ապահովումը՝ ուղղված ԵԹԿՊԻ առաքելության իրականացմանը, որը ընդգրկում է 4 հիմնական գործողություն.

• Պլանավորում` խնդիրների սահմանում, հնարավոր լուծումների ձևակերպում,

• Իրականացում` սահմանված պլանի հիման վրա միջոցառումների իրականացում,

• Գնահատում` իրականացված գործողությունների ընթացիկ գնահատում,

• Բարելավում` արդյունքների ամփոփում և հետագա քայլերի վերանայում:

ԵԹԿՊԻ որակի ապահովման քաղաքականության խնդիրներն են.

• բարձրացնել մատուցվող կրթական ծառայությունների որակը,

• շարունակաբար բարելավել և արդիականացնել որակի ապահովման համակարգը, մեխանիզմները, գործիքները, ընթացակարգերը և որակի ապահովմանն առնչվող այլ փաստաթղթեր,

• ապահովել որակի քաղաքականության համապատասխանությունը ԵԹԿՊԻ-ի առաքելությանը և գերակա նպատակներին,

• շարունակական բարելավել որակի ապահովման, մշտադիտարկման և բարելավման գործիքակազմ,

• շարունակաբար բարելավել կրթական ծրագրերի որակը և բովանդակությունը, փորձելով կրթական ծրագրերը և դրանցում վերջնարդյունքները համապատասխանեցնել աշխատաշուկայի, գործատուների պահանջներին, արտաքին և ներքին շահառուների կարիքներին և հասարակության հարաճուն պահանջներին,

• ապահովել ԵԹԿՊԻ-ի հաշվետվողականությունը ներքին և արտաքին շահակիցների առջև,

• ապահովել ԵԹԿՊԻ-ի որակի ապահովման գործընթացների թափանցիկությունը,

• ապահովել ԵԹԿՊԻ-ի բարձր վարկանիշը և գործարար համբավը մասնագիտական բարձրագույն կրթության ոլորտում,

• իրավանորմատիվային դաշտի ապահովում:

Որակի կառավարման քաղաքականությունը։

Ուսումնառության գործընթացում իմացության դրսևորումներն ըստ բարդության մակարդակների առաջին անգամ դասակարգել է ամերիկացի գիտնական Բենիամին Բլումը` 1956թ-ին: Իմացության ձևերի այդ հիերարխիկ դասակարգումն այնուհետև կոչվել է Բլումի տաքսոնոմիա (դասակարգում), որն ունի 6 մակարդակ, ըստ աճող բարդության` սկսած փաստերի պարզ հիշողությունից և վերարտադրությունից ստորին մակարդակում, մինչև վերլուծություն և գնահատում`

Այս մակարդակներից յուրաքանչյուրը ենթադրում է ուսանողների հմտությունների որոշակի ցանկ.

1. Գիտելիք – որոշակի փաստերի և տվյալների հիշողություն և վերարտադրություն:

2. Իմացություն – փաստերը և տվյալները հասկանալու և մեկնաբանելու ունակություն:

3. Կիրառություն – առաջադրանքի կամ խնդրի կատարման համատեքստում գիտելիքի և իմացության կիրարկում:

4. Վերլուծություն – տեղեկատվության կամ փաստերի համեմատում, բաղկացուցիչ մասերի կամ իմաստների բաժանում` դրանց իմաստը, նշանակությունը և փոխհարաբերությունը հասկանալու նպատակով:

5. Համադրում – տեղեկատվության կամ փաստերի նորովի համակցում` ցանկալի հատկանիշներով նոր ամբողջու- թյուն ստանալու նպատակով

6. Գնահատում – առկա տեղեկատվության կամ փաստերի հիման վրա դատողություններ և եզրահանգումներ անելը և արդյունքների արժևորումը:

ԵԹԿՊԻ-ում կրթական ծրագրի մշակումը թիրախավորված է հետևյալ կարևորագույն խնդիրների լուծմանը.

• կրթական վերջնարդյունքների սահմանմանը.

• ուսանողակենտրոն մոտեցման ներդրմանը.

• դասավանդման և ուսումնառության վերջնարդյունքներին միտված մեթոդների կիրառմանը.

• վերջնարդյունքների գնահատմանը:

Սովորաբար դասընթացի կրթական վերջնարդյունքները ձևակերպվում են` ըստ հետևյալ դասակարգումների,

• մասնագիտական գիտելիք և իմացություն,

• գործնական մասնագիտական կարողություններ և հմտություններ,

• ընդհանրական կարողություններ և հմտություններ:

Այս քաղաքականությունը հնարավորություն է տալիս մշակելու աշխատաշուկայի պահանջներին համապատասխանող կրթական վերջնարդյունքներ, ինչպես նաև ինքնավերլուծության մեջ հստակ ցույց տալու տվյալ որակավորմամբ շրջանավարտների զբաղվածության ոլորտներն ու մակարդակը:

ԵԹԿՊԻ-ում կրթական ծրագրերը միտված են կրթական վերջնարդյունքներին, ինչը պայմանավորված է վերջին տարիներին հասարակական փոփոխվող պահանջմունքներով` կարևորելով աշխատաշուկա մուտք գործող շրջանավարտների ոչ միայն գիտելիքները, այլ նաև հմտություններն ու կարողությունները:

Վերջնարդյունքը կարելի է սահմանել, որպես դասընթացի կամ ուսումնական ծրագրի ավարտին սովորողից ակնկալվող գիտելիքի, կարողությունների և հմտությունների սահմանված ձևաչափի նկարագրություն, որը ցույց է տալիս, թե ուսումնառության ավարտին հատկապես ինչ պետք է գիտենա, հասկանա, կարողանա անել ուսանողը:

Վերջին տարիներին ուսումնառության գործընթացի շրջադարձը դեպի ուսանողամետ մոտեցում և դրա արդյունքում կրթական վերջնարդյունքով կրթական ծրագրերի ձևավորումը համընդհանուր միտում է դարձել Բոլոնիայի մասնակից երկրներում: Հետևաբար, նման անցումը անհրաժեշտություն դարձավ նաև ԵԹԿՊԻ-ի համար: Կրթական վերջնարդյունքներով կրթական ծրագրերի ձևավորման պահանջը թելադրված է նաև Որակավորումների ազգային շրջանակով (ՈԱՇ): Որակավորումների ազգային շրջանակը, ինչպես նաև որակավորումների համաեվրոպական շրջանակը սահմանում է կրթական հաստատությունների կողմից սեփական կրթական ծրագրերի վերանայում, ինչի արդյունքում հստակ կսահմանվեն կրթական ծրագրերի վերջնարդյունքները: Կրթական վերջնարդյունքների ձևակերպման հիմնական նպատակն ակնկալվող գիտելիքի ծավալի ու բովանդա- կության չափելիության ապահովումն է:

Որակի ապահովման ընթացակարգերը։

Որակի ներքին ապահովումը Հայաստանի Հանրապետության մասնագիտական կրթության որակի ապահովման համակարգի հիմնական տարրերից է: Այն դիտարկվում է` որպես մշտադիտարկումներ կատարելու մեխանիզմ: Ուսանողները, շրջանավարտները, գործատուները և հասարակությունը կրթական ծառայությունների նպատակների իրականացում են ակնկալում ուսումնական հաստատություններից: ԵԹԿՊԻ-ի որակի ներքին ապահովման համակարգը հետևում է Եվրոպական չափորոշիչներում և ուղենիշերում ձևակերպված հիմնարար սկզբունքներին: Դրանք են.

• ԵԹԿՊԻ-ն առաջնային պատասխանատվություն է կրում կրթության որակի ապահովման համար,

• ԵԹԿՊԻ-ն կրթության որակի ապահովման համար հաշվետու է իր ուսանողներին, գործատուներին և այլ շահառուներին,

• ԵԹԿՊԻ-ը պետք է կարողանա հավաստել իր տրամադրած կրթության որակը երկրում և միջազգայնորեն,

• ԵԹԿՊԻ պետք է ապահովի կրթության որակի շարունակական բարելավում` ուսանողների և այլ շահառուների սպասելիքներին համահունչ:

ԵԹԿՊԻ-ն իր սկզբունքներն իրագործելու համար սահմանում է որակի ներքին ապահովման համար հետևյալ հիմնական նպատակները.

• ԵԹԿՊԻ-ում որակի ներքին ապահովման մեխանիզմների մշակումը, գործադրումը և շարունակական բարելավումը,

• խթանել ուսուցման որակի շարունակական բարելավումը և որակի մշակույթի զարգացումը ԵԹԿՊԻ-ում,

• ապահովել ԵԹԿՊԻ կրթության որակի վերաբերյալ հաշվետվողականությունը ուսանողների, գործատուների, հիմնադիրների և ֆինանսավորող այլ կազմակերպությունների առջև։

Նշված նպատակներից ելնելով էլ ԵԹԿՊԻ-ն մշակում է որակի ներքին ապահովման համակարգի հետևյալ հիմական խնդիրները.

• ապահովել կրթական ծրագրերի ու դրանց իրականացման գործընթացների որակի ապահովման քաղաքականութուն և դրան փոխկապակցված ընթացակարգերի ստեղծում ու շարունակական բարելավում,

• ապահովել ԵԹԿՊԻ կրթության որակի վերաբերյալ հաշվետվողականությունը և թափանցիկությունը՝ ուսանողների, գործատուների, հիմնադիրների և ֆինանսավորող այլ կազմակերպությունների առջև,

• ստեղծել մեթոդական և կազմակերպական հիմքեր ԵԹԿՊԻ-ի և նրա կրթական ծրագրերի որակի արտաքին գնահատման և հավատարմագրման համար,

• խթանել ուսուցման որակի շարունակական բարելավումը,

• հետամուտ լինել ԵԹԿՊԻ առաքելության իրականացմանը` նրա տեսլականին, ռազմավարական նպատակներին և խնդիրներին համապատասխան,

• խթանել Ինստիտուտում որակի ապահովման մշակույթի ձևավորումը, արմատավորումը և հետագա զարգացումը,

• ձևավորել և շարունակական բարելավել որակի ապահովման, մշտադիտարկման և բարելավման գործիքակազմ,

• ներդնել կրթական ծրագրերի իրականացման գործընթացների որակի ապահովման քաղաքականութուն,

• ապահովել դրա իրականացումը, դրան փոխկապակցված ընթացակարգերի ձևավորումը ու շարունակական բարելավումը,

• իրականացնել կրթության որակի ապահովման միջազգային չափորոշիչներին համապատասխան լավագույն փորձի բացահայտումն ու տարածումը,

• իրականացնել ինստիտուտի ինստիտուցիոնալ կարողությունների և կրթական ծրագրերի ինքնավերլուծության և ինքնագնահատման կազմակերպում,

• հավաքագրել, համակարգել և մշակել ԵԹԿՊԻ-ում կրթության որակի ապահովման համակարգի վերաբերյալ տեղեկատվություն,

• ապահովել ԵԹԿՊԻ-ի թափանցիկությունը և հաշվետվողականությունը ներքին և արտաքին շահակիցների առջև,

• գնահատել կրթական ծառայությունների արդյունավետությունը, իրականացնել ԵԹԿՊԻ-ի գործունեության վերլուծություն, ներկայացնել ԵԹԿՊԻ-ի զարգացմանը նպաստող առաջարկություններ,

• ԵԹԿՊԻ-ի ղեկավարությանը ներկայացնել որակի ապահովման առկա վիճակի, դրա առանձին բնութագրիչների, կրթության ցուցանիշների մասին հաշվետվություն:

Որակի ներքին ապահովման հայեցակարգ։